Бұл бөлімнің параметрлерінің толық сипаттамасы Kaspersky Endpoint Security for Windows құжаттамасында берілген.
Саясат сипаттары терезесінің Жалпы параметрлер бөлімінде Есептер мен қоймалар және Интерфейс ішкі бөлімдерінде қосымша параметрлерді көрсету ұсынылады.
Есептер мен қоймалар ішкі бөлімінде Деректерді Басқару серверіне жіберу бөліміне өтіңіз. Іске қосылатын бағдарламалар туралы жалаушасы Басқару серверінің дерекқорында ұйымның желісіндегі құрылғыларда бағдарламалардың барлық модульдерінің барлық нұсқалары туралы ақпарат сақталады ма екендігін көрсетеді. Егер бұл жалауша орнатылса, сақталған ақпарат Kaspersky Security Center дерекқорында айтарлықтай көлемді алуы мүмкін (ондаған гигабайт). Егер ол жоғары деңгейдегі саясатта орнатылса, Іске қосылған бағдарламалар туралы жалаушасын алып тастаңыз.
Егер Басқару консолі ұйымның желісінде антивирустық қорғанысты орталықтандырылған түрде басқарса, жұмыс станцияларында Kaspersky Endpoint Security for Windows пайдаланушылық интерфейсін көрсетуді сөндіріңіз. Бұл үшін Интерфейс ішкі бөлімінде Пайдаланушымен өзара әрекеттесу бөліміне өтіп, Көрсетпеу параметрін таңдаңыз.
Жұмыс станцияларында құпиясөзбен қорғанысты қосу үшін, Интерфейс ішкі бөлімінде Құпиясөзбен қорғаныс бөліміне өтіңіз, Параметрлер түймесін басып және Құпиясөзбен қорғанысты қосу жалаушасын орнатыңыз.